ரஹ்மான் எப்போதும் சொல்லும் ஒரு விஷயம், கடைசி நேரத்தில் வந்து டியூன் குடுங்க, பாட்டு குடுங்க என்று நெருக்கடி தராதீர்கள்.
லிங்கா படத்திற்கு அப்படித்தான் நெருக்கடி கொடுத்தார்கள். அதன் ரிசல்ட் என்ன என்பது உங்களுக்கே தெரியும்.
ராஜீவ் மேனன் இயக்கும் படத்துக்கு ரஹ்மான் இசையமைக்கிறார். இதன் படப்பிடிப்பு ஆகஸ்ட் மாதமே தொடங்குகிறது. ஆனால், அதற்குள் இரண்டு பாடல்களின் கம்போஸிங்கை முடித்துள்ளார் ரஹ்மான். படப்பிடிப்பு தொடங்குவதற்குள் அனைத்துப் பாடல்களின் கம்போஸிங்கையும் முடித்துவிடுவார் என நம்பிக்கை தெரிவிக்கிறது படக்குழு.
மின்சார கனவு, கண்டுகொண்டேன் கண்டுகொண்டேன் படங்களுக்குப் பிறகு ராஜீவ் மேனன் இயக்கும் இந்தப் படத்தில் நாயகனாக ரஹ்மானின் சகோதரியின் மகனும், இசையமைப்பாளரும், நடிகருமான ஜீ.வி.பிரகாஷ் நடிக்க உள்ளார்.
அட போட வைக்கும் ரஹ்மானின் வேகம்
2016 சட்டமன்ற தேர்தலுக்கான வாக்குப்பதிவு நேற்று காலை 7 மணிக்கு தொடங்கியது. தொடங்கிய நேரம் முதல் பல்வேறு நடிகர், நடிகைகளும் தங்களது வாக்கை பதிவு செய்தனர்.
அஜித், ரஜினி ஆகியோர் காலையிலேயே முதல் ஆளாக வந்து தங்களது வாக்கை பதிவு செய்தார்.
மேலும், பல நடிகர், நடிகையரும் தங்களது வாக்கை தொடர்ந்து பதிவு செய்து வந்தனர். இந்நிலையில், நடிகர் விஜய் தனது வாக்கை பதிவு செய்ய சோளிங்கநல்லூர் தொகுதிகுட்பட்ட நீலாங்கரையில் உள்ள வாக்குச்சாவடி மையத்துக்கு காலை 10.45 மணிக்கு வருகை தந்தார். அவரை பார்ப்பதற்கும், புகைப்படம் எடுப்பதற்கும் ரசிகர்கள் கூட்டம் முண்டியடித்தது.
போலீசார் அவரை பத்திரமாக வாக்குப்பதிவு செய்யும் இடத்திற்கு அழைத்து சென்றனர். பின்னர் அவர் தனது ஆவணங்களை அலுவலர்களிடம் ஒப்படைத்து, தனது வாக்கை பதிவு செய்ய வாக்கு எந்திரத்திற்கு முன் வந்து, சில நிமிடம் யோசித்த அவர் பின்னர், தனது வாக்கை பதிவு செய்தார்.
அங்கிருந்து புறப்படும்போதும் விஜய்யை ரசிகர்கள் சூழ்ந்துகொண்டனர். பின்னர், அவரை பாதுகாவலர்களும், போலீசாரும் பத்திரமாக காரில் ஏற்றி அனுப்பி வைத்தனர்.
இதுகுறித்து சமூகவலைதளங்களில், விஜய் அப்படி என்னதான் யோசித்து இருப்பார் என பல்வேறு கருத்துகளை தெரிவித்து உள்ளது.
பலத்த யோசனைக்குப் பின் வாக்களித்த விஜய்
சமத்துவ மக்கள் கட்சி தலைவரும் நடிகருமான சரத்குமார் இந்த தேர்தலில் ஓட்டுப்போடவில்லை.
அதிமுகவுடன் கூட்டணி அமைத்து, சட்ட மன்ற தேர்தலை சந்தித்த சரத்குமார், தூத்துக்குடி மாவட்டத்தில் உள்ள திருச்செந்தூர் தொகுதியில் போட்டியிட்டார்.
அவருக்கு ஒட்டு சென்னையில் உள்ளது. ஆனால் தேர்தல் நாளான அன்று, அவர் தனது தொகுதியான திருச்செந்தூரில் இருந்தார். அதனால் அவர் ஒட்டுப்போடவில்லை.
தபால் மூலம் ஒட்டுப்போட முடியுமா என்று முயற்சி செய்த போது, தேர்தல் பணியில் உள்ள அரசு ஊழியர்களுக்கு மட்டுமே தபால் ஓட்டு போட முடியும். வேட்பாளர்கள் தபால் ஓட்டு போட முடியாது என்று தேர்தல் அதிகாரிகள் கை விரித்து விட்டனர். இதனால், சரத்குமார் ஓட்டுப்போட வில்லை.
அதேபோல், திமுக கூட்டணியில் உள்ள புதிய தமிழகம் கட்சி தலைவர் கிருஷ்ணசாமிக்கு ஓட்டு கோயம்புத்தூரில் உள்ளது. ஆனால் அவர் தனது தொகுதியான ஒட்டப்பிடாரத்தில் இருந்தார். இதனால் அவரும் ஒட்டளிக்கவில்லை. கடந்த மூன்று தேர்தலில் அவர் ஓட்டளிக்கவில்லை.
தங்களுக்கு வாக்களியுங்கள் என்று மக்களிடம் வேண்டுகோள் வைக்கும் தலைவர்களே ஓட்டுப் போடாமல் இருப்பது பரபரப்பை ஏற்படுத்தியுள்ளது.
சமக தலைவர் சரத்குமார் ஒட்டுப் போடவில்லை
தானொரு நாகரிக கனவான் என்பதை நேற்று நடந்த தேர்தலின் போது நிரூபித்தார் நடிகர் அஜித்.
காலையில் மனைவியுடன் வாக்களிக்க வந்த அஜித், வாக்களித்த பின் எல்லோரையும் போல் மையிட்ட விரலை மட்டும் உயர்த்தி காட்டாமல் மொத்த விரல்களையும் உயர்த்தி காட்டினார். பலருக்கும் அது வித்தியாசமாக தெரிந்திருக்கும். ஆனால், அஜித்தின் செய்கை அர்த்தமுள்ளது, நாகரிமானது.
காரணம்...?
அனைவருக்கும் இடது ஆள்காட்டி விரலில்தான் மை வைத்தனர். ஆனால் அஜித்துக்கு மை வைத்தது இடது நடுவிரலில். நடுவிரலை மட்டும் உயர்த்தி காட்டுவது மோசமான சைகை. அதற்கு வேறு அர்த்தம் உள்ளது.
அதனை தவிர்ப்பதற்காகவே அனைத்து விரல்களையும் சேர்த்து காட்டினார் அஜித்.
இதற்கு முன்பு நடந்த தேர்தல்களில் பலரும் மை வைக்கப்பட்ட நடுவிரலை உயர்த்தி காட்டியது குறிப்பிடத்தக்கது. ஆனால், அந்த சின்ன விஷயத்திலும் சென்சிபிளாக நடந்து கொண்டார் அஜித்.
நடுவிரல் சைகையை தவிர்த்த அஜித்
மிகவும் பரபரப்புடன் எதிர்பார்க்கப்பட்ட பிளஸ் 2 தேர்வு முடிவுகள் இன்று காலை 10:30 மணிக்கு வெளியிடப்பட்டுள்ளது. ஊத்தங்கரையைச் சேர்ந்த ஆர்த்தி மற்றும் ஜஸ்வந்த் ஆகியோர் 1200 மதிப்பெண்களுக்கு 1,195 மதிப்பெண்கள் எடுத்து மாநில அளவில் முதலிடம் பெற்றுள்ளனர்.
தமிழ் பாடத்தை முதன்மை பாடமாக எடுத்து படித்த ஆர்த்தி, ஜஸ்வந்த் என்ற மாணவர்கள் 1195 மதிப்பெண்கள் பெற்று மாநிலத்திலேயே முதலிடம் பெற்றுள்ளார். இவர்கள் இருவரும் கிருஷ்ணகிரியை சேர்ந்த ஊத்தங்கரை வித்யா மந்திர் பள்ளியில் படித்தவர்கள்.
ஆர்த்தியின் மதிப்பெண் விபரம்:
தமிழ் : 199
ஆங்கிலம் : 197
கணிதம் : 200
இயற்பியல் : 199
வேதியியல் : 200
உயிரியல் : 200
ஜஸ்வந்திம் மதிப்பெண் பட்டியல்:
தமிழ் : 199
ஆங்கிலம் : 197
கணிதம் : 199
இயற்பியல் : 200
வேதியியல் : 200
உயிரியல் : 200
திருவள்ளூர் ஸ்ரீநிகேதன் மெட்ரிக் பள்ளியில் படித்த பவித்ரா, 1194 மதிப்பெண்கள் பெற்று மாநில அளவில் இரண்டாம் இடம் பிடித்துள்ளார். நாமக்கல் எஸ்.கே.வி. பள்ளியை சேர்ந்த வேணு பிரீத்தா என்ற மாணவி 1193 மதிப்பெண்கள் பெற்று மாநில அளவில் 3ம் இடம் பிடித்துள்ளார்.
காஞ்சிபுரம் அரசு மேல்நிலைபள்ளியில் படித்த சரண்யா 1179 மதிப்பெண்கள் பெற்று அரசு பள்ளியில் படித்தவர்களில் முதலிடம் பிடித்துள்ளார்.
ஓட்டுமொத்தமாக ஈரோடு மாவட்டம் 94.86% தேர்ச்சியுடன் மாநில அளவில் முதலிடத்தில் உள்ளது. பெரம்பலூர் 96.73% தேர்ச்சியுடன் இரண்டாம் இடமும், விருதுநகர் 95.73% தேர்ச்சியுடன் மூன்றாம் இடமும், 95.70% தேர்ச்சியுடன் கன்னியாகுமரி மாவட்டம் நான்காம் இடமும், 95.47% தேர்ச்சியுடன் தூத்துக்குடி மாவட்டம் ஐந்தாம் இடத்தையும் பிடித்துள்ளது.
பிளஸ் 2 முதலிடம் பிடித்த மாணவர்களின் மதிப்பெண் விபரம்!
ரிசர்வ் வங்கி கவர்னர் ரகுராம் ராஜனுடன் மோதல் போக்கை கடைபிடித்து வரும் பாஜக முத்த தலைவரும் அக்கட்சியின் மாநிலங்களவை உறுப்பினருமான சுப்ரமணியன் சுவாமி தற்போது ரகுராம் ராஜனை உடனயாக ரிசர்வ் வங்கி கவர்னர் பதவியில் இருந்து நீக்கம் செய்ய பிரதமர் மோடிக்கு கடிதம் எழுதியுள்ளார்.
ரகுராம் ராஜன் திட்டமிட்டு இந்திய பொருளாதாரத்தை சீர்குலைக்கிறார், அவர் மனதளவில் முழு இந்தியராக இல்லை என கூறிய சுப்ரமணியன் சுவாமி, ஐக்கிய முற்போக்கு கூட்டணியால் அமர்த்தப்பட்ட அவரை பதவியில் இருந்து நீக்க நேற்றைய தேதியிட்ட கடிதத்தில் கூறியுள்ளார்.
மேலும், ரகுராம் ராஜனின் நடவடிக்கைகள் தொடர்ந்து இந்திய பொருளாதாரத்தை பாதித்து வருகிறது. பணவீக்கத்தை கட்டுப்படுத்தும் எண்ணத்தில் வட்டியை அதிகரித்து நாட்டின் பொருளாதாரத்தை சிதைத்துள்ளார். பொதுத்துறை வங்கிகளின் வாராக் கடன் கடந்த இரண்டு ஆண்டுகளில் இருமடங்கு அதிகரித்துள்ளது.
அமெரிக்காவின் கீரீன் கார்டை வைத்திருக்கும் ரகுராம் ராஜன் தொடர்ந்து அதனை புதுப்பிக்க ஆண்டு தோறும் அமெரிக்கா சென்று வருகிறார். அவர் மன ரீதியாக தன்னை முழு இந்தியராக உணரவில்லை எனவும் பகிரங்கமாக தனது கடிதத்தில் குற்றம்சாடிய சுப்ரமணியன் சுவாமி அவரை உடனடியாக பதவி நீக்கம் செய்ய வலியுறுத்தியுள்ளார்.
ரகுராம் ராஜனை உடனடியாக நீக்கவேண்டும்: மோடிக்கு சுப்ரமணியன் சுவாமி கடிதம்
தன்னுடைய செல்போனை சோதனையிட்ட கணவரை, அவரது மனைவி கத்தியால் குத்திய விவகாரம் பெங்களூரில் பரபரப்பை ஏற்படுத்தியுள்ளது.
பெங்களூரில் வசித்து வருபவர் சந்திரபிராஷ் சிங். இவரின் மனைவி சுனிதா சிங்.
கடந்த 4ஆம் தேதி சந்திரபிராஷ் சிங், வேலை முடிந்து வீட்டிற்கு சென்ற போது, அவரது மனைவி செல்போனில் மூழ்கியிருந்தார். வீட்டில் சமையல் எதுவும் செய்யவில்லை. இதனால் கோபமடைந்த சந்திரபிராஷ், சுனிதாவிடம் சண்டை போட்டுள்ளார். மேலும், அவரின் செல்போனையும் சோதனை செய்துள்ளார். அவர்களுக்குள் வாக்கு வாதம் ஏற்பட்டுள்ளது.
இதில் கோபமடைந்த சுனிதா, கத்தியை எடுத்து, தனது கணவனின் கையில் குத்தியுள்ளார். இதனால் சந்திரபிராஷின் விரலில் பலத்த காயம் ஏற்பட்டது. இதனையடுத்து போலீசாரிடம் புகார் கொடுத்துள்ள அவர், தன்னுடைய மனைவி சுனிதா செல்போனுக்கு அடிமையாக இருப்பதாகவும், வீட்டில் வேலை செய்யாமல் எப்போதும் செல்போனிலேயே முழ்கியிருப்பதாகவும், மேலும் அவரிடம் இருந்த தனக்கு பாதுகாப்பு அளிக்க வேண்டும் என்றும் கோரிக்கை விடுத்துள்ளார்.
இது தொடர்பாக, தம்பதியின் பெற்றோர்களை வரவழைத்த போலீசார், அவர்கள் மூலம், இருவருக்கும் அறிவுரை வழங்கி, சமாதனப்படுத்தம் முயற்சியில் ஈடுபட்டுள்ளனர்.
செல்போனை சோதனையிட்ட கணவரை கத்தியால் குத்திய மனைவி
சூப்பர் ஸ்டார் ரஜினிகாந்தை கடத்த சந்தனக்கடத்தல் வீரப்பன் திட்டம் தீட்டினார் என அவ்வப்போது விவகாரமான கருத்துக்களை கூறுவதில் பிரபலமான இயக்குனர் ராம்கோபால் வர்மா கூறியுள்ளார்.
சந்தனக்கடத்தல் வீரப்பனை பற்றிய மர்மங்கள் நிறைந்த திரைப்படம் ஒன்றை வீரப்பன் என்ற பெயரில் படமாக்கியுள்ளார் ராம்கோபால் வர்மா. இந்நிலையில் ரஜினியை கடத்தி அதன் மூலம் பிரபலமாக வீரப்பன் நினைத்ததாக ராம்கோபால் வர்மா தனது டுவிட்டர் பக்கத்தில் கூறியுள்ளார்.
ரஜினியை விட புகழ்பெற நினைத்த வீரப்பன், ஒருகட்டத்தில் அவரை கடத்தி, அதில் கிடைக்கும் பணத்தை கொண்டு தன்னை பற்றி திரைப்படம் எடுக்க நினைத்தார் என தனது டுவிட்டர் பக்கத்தில் குறிப்பிட்டுள்ளார்.
இந்த செய்தி ரஜினி ரசிகர்களிடமும், தமிழகத்திலும் பெரும் அதிர்வலைகளை ஏற்படுத்தியுள்ளது.
ரஜினியை கடத்த திட்டம்: அம்பலப்படுத்திய ராம்கோபால் வர்மா
காஸியாபாத்தில் உள்ள வைசாலியில் நேற்று கலை 28 வயது கால்நடை மருத்துவர் மீது மர்ம பெண் ஒருவர் 4 லிட்டர் ஆசிட்டை வீசியுள்ளார். ஆபத்தான நிலையில் அவர் மருத்துவமனையில் அனுமதிக்கப்பட்டுள்ளார்.
பாதிக்கப்பட்ட கால்நடை மருத்துவர் அமித் வெர்மா கால்நடை மருத்துவமனையில் காலை 8 மணிக்கு நாய்கள் பிரிவில் பணியாற்றிக்கொண்டு இருக்கும் போது இந்த ஆசிட் வீச்சு சம்பவம் நடந்துள்ளது. தனியார் மருத்துவமனையில் பாதிக்கப்பட்ட மருத்துவர் தீவிர சிகிச்சை பிரிவில் அனுமதிக்கப்பட்டுள்ளார்.
முகம், மார்பு, கை போன்றவற்றில் 40 சதவீத காயங்களுடன் மருத்துவர் அமித் வெர்மா தற்போது பேச முடியாத நிலையில் இருப்பதால் அவரிடம் விசாரிக்க முடியாத நிலையில் காவலர்கள் உள்ளனர். இந்நிலையில் அவருடன் ரூமில் வசித்து வரும் தீபக்கிடன் விசாரணை நடத்தினர் காவல் துறையினர்.
அவரிடம் நடத்திய விசாரணையில், அமித் இதற்கு முன்னர் மீரட்டில் கால்நடை மருத்துவராக பணி புரிந்ததாகவும், அங்கு வாடகை வீட்டில் இருந்த போது அந்த வீட்டின் உரிமையாளர் பெண்ணுடன் நெருங்கிய உறவுடன் வாழ்ந்து வந்ததாக கூறினார்.
அமித் அங்கிருந்து இங்கே வந்த பின்னர் அவர்கள் உறவு சுமூகமாக போகவில்லை. இந்நிலையில் கடந்த 18 நாட்களில் அந்த பெண் அமித் வெர்மாவை 3 முறை வந்து சந்தித்ததாக தீபக் கூறினார்.
இந்நிலையில் காவல் துறையினர் சம்பவம் நடந்த இடத்தில் ஒரு அடையாள அட்டையயும், பர்ஸையும் கைப்பற்றியுள்ளனர். அதில் உள்ள புகைப்படம் சந்தேகப்படும் அந்த பெண்ணுடன் ஒத்துப்போகவில்லை என கூறப்படுகிறது.
இதனையடுத்து காவல் துறையை குழப்புவதற்காக வேண்டுமென்றே அந்த தவறான அடையாள அட்டையை அந்த பெண் விட்டு சென்றிருக்கலாம் என காவல் துறையினர் சந்தேகிக்கின்றனர். இந்நிலையில் அமித் வெர்மா ஓரளவு குணமாகி பேசினால் தான் இந்த வழக்கு மேலும் முன்னேறும் என காவல் துறை தரப்பில் கூறப்பட்டுள்ளது.
28 வயது மருத்துவர் மீது மர்ம பெண் ஆசிட் வீச்சு: கள்ள காதலியா என சந்தேகம்
தமிழகத்தில் நேற்று சட்டசபை தேர்தல் 232 தொகுதிகளுக்கு நடந்து முடிந்தது. இதனையடுத்து தேர்தலுக்கு பிந்தைய கருத்துக்கணிப்புகள் வெளியிடப்பட்டது. இதில் திமுக ஆட்சியை கைப்பற்றும் என பெரும்பாலான கருத்துக்கணிப்புகள் கூறின. இந்நிலையில் மும்பை பங்கு சந்தையில் சன் டிவியின் பங்குகள் உயர்ந்தன.
இன்று வர்த்தகம் தொடங்கியதும் மும்பை பங்குச் சந்தையில் சன் டிவியின் பங்குகள் 10.75 சதவீதம் உயர்ந்து ரூ. 435.55க்கு விற்பனையானது. தேசிய சந்தையில் நிஃப்டியில் 10.39 சதவீதம் உயர்ந்து ரூ.435க்கு விற்பனையானது. சன் டிவியின் பங்குகள் மும்பை பங்கு சந்தையில் 4.93 லட்சம் பங்குகள் கைமாறிய நிலையில், தேசிய சந்தையில் 4.7 லட்சம் பங்குகள் கைமாறின.
சன் டிவியின் உரிமையாளர்களாக கலாநிதிமாறன் மற்றும் தயாநிதி மாறன் உள்ளனர். இவர்கள் திமுக தலைவர் கருணாநிதியின் பேரன்கள் மற்றும் தயாநிதிமாறன் முன்னாள் மத்திய அமைச்சர் ஆவார். இந்நிலையில் மீண்டும் திமுக ஆட்சியை பிடிக்கும் என கருத்துக்கணிப்புகள் வெளியாகியுள்ளதால் அதன் எதிரொலி சன் டிவி பங்குகளின் உயர்வில் காணப்படுகிறது.
தேர்தல் எதிரொலி: விலை உயர்ந்த சன் டிவி பங்குகள்
சென்னை உள்ளிட்ட தமிழகத்தின் பல பகுதிகளில் அடுத்த 24 மணி நேர்த்தில் 60 கி.மீ வேகத்தில் சூறாவளி காற்றுடன் பலத்த கனமழை பெய்யும் என சென்னை வானிலை ஆய்வு மையம் எச்சரிக்கை விடுத்துள்ளது.
வங்கக் கடலில் நிலைகொண்டுள்ள தீவிர குறைந்த காற்றழுத்த தாழ்வுப் பகுதி அதே இடத்தில் நீடித்து வருவதாலும், அது புயலாக மாறியதாலும் அடுத்த 24 மணி நேரத்தில் சென்னை உள்ளிட்ட தமிழகத்தின் பல பகுதிகளில் புயல் காற்றுடன் கனமழை பெய்யும் என சென்னை வானிலை ஆய்வு மையம் கூறியுள்ளது.
தமிழகம் மற்றும் புதுச்சேரி கடலோர பகுதிகளில் அதிகபட்சமாக 70 கி.மீ வேகத்திலும், தமிழகத்தின் பிற பகுதிகளில் 50 முதல் 60 கி.மீ வேகத்திலும் புயல் காற்று வீசக்கூடும் என கூறப்பட்டுள்ளது. அடுத்த 72 மணி நேரம் கடல் கொந்தளிப்புடன் இருக்கும் எனவும் மீனவர்கள் யாரும் கடலுக்கு செல்ல வேண்டாம் எனவும் எச்சரிக்கப்பட்டுள்ளது.
சென்னையில் புயல்: மணிக்கு 60.கி.மீ வேகத்தில் சூறாவளி காற்றுடன் கனமழை எச்சரிக்கை
போக்குவரத்து காவலரை தாக்கியதாக கன்னட நடிகை மைத்ரியா கௌடாவிற்கு இரண்டு ஆண்டு சிறை தண்டனை விதித்து பெங்களூரு நீதிமன்றம் உத்தரவிட்டுள்ளது.
மைத்ரியா கௌடா தனது சகோதரி சுப்ரியா மற்றும் தனது உறவினர்கள் ரூபா மற்றும் ரேக்காவுடன் காரில் சென்று கொண்டிருந்தார். அபோது அவர் போனில் பேசியபடியே கார் ஓட்டியதாக தலைமைக் காவலர் சிவக்குமார் அவரது காரை நிறுத்தியுள்ளார்.
காரை நிறுத்திய மைத்ரியா கௌடா காவலருடன் வெறுக்கத்தக்க வாக்குவாதத்தில் ஈடுபட்டுள்ளார். இந்நிலையில் மைத்ரியா கௌடா உட்பட அவருடன் காரில் வந்த அனைத்து பெண்களும் சேர்ந்து கவலரை தாக்க ஆரம்பித்துள்ளனர்.
இந்த வழக்கை விசாரித்த நீதிமன்றம் மைத்ரியாவுக்கு ரூ.3000 அபராதமும் இரண்டு ஆண்டுகாள் சிறை தண்டனையும், மற்ற பெண்களுக்கு ரூ.2000 அபராதமும் விதித்து உத்தரவிட்டது.
முன்னதாக மைத்ரியின் சகோதிரி மற்றும் அவரது இரண்டு உறவினர்கள் பசவெஷ்வரநகரில் போக்குவரத்து காவலர் மீது தாக்குதல் நடத்தியதில் ஓராண்டு சிறை தண்டனை பெற்றது குறிப்பிடத்தக்கது.
நடிகை மைத்ரியா கௌடாவுக்கு இரண்டு ஆண்டுகள் சிறை: நீதிமன்றம் அதிரடி உத்தரவு!
தமிழக சட்டசபை தேர்தல் நேற்று சுமூகமாக நடந்து முடிந்தது. 234 தொகுதிகளை கொண்ட தமிழக சட்டசபைக்கு நேற்று 232 தொகுதிகளுக்கு மட்டும் தேர்தல் நடைபெற்றது.
இதனையடுத்து தேர்தலுக்கு பிந்தைய கருத்துக்கணிப்பு என நேற்று மாலையே ஐந்து கருத்துக்கணிப்புகள் வெளியாகின. அதில் திமுக வெற்றி பெறும் எனவும், அதிமுக வெற்றி பெறும் என முரண்பட்ட கருத்துக்கணிப்புகள் வெளியாகின. இது தான் இன்று தமிழகத்தில் பரவலாக பேசப்பட்டது.
இந்நிலையில் இந்த கருத்துக்கணிப்பு முற்றிலும் பொய் என ஒரு தகவல் பரவி வருகிறது. இவர்கள் தேர்தலுக்கு பின்னர் சரியாக கருத்துக்கணிப்பு நடத்தவில்லை என கூறப்படுகிறது.
அதாவது தமிழகத்தில் நேற்று தஞ்சாவூர் மற்றும் அரவக்குறிச்சி ஆகிய இரு தொகுதிகளிலும் நேற்று தேர்தல் நடைபெறவில்லை. இதனையடுத்து 232 தொகுதிகளுக்கு மட்டுமே நேற்று தேர்தல் நடந்தது.
இந்நிலையில் தேர்தலுக்கு பின்னர் நடத்திய கருத்துக்கணிப்பில் 234 தொகுதிகளுக்கும் சேர்த்து கருத்துக்கணிப்பு வெளியிட்டுள்ளனர். தேர்தலே நடைபெறாத தொகுதியில் இவர்கள் எப்படி தேர்தலுக்கு பிந்தைய கருத்துக்கணிப்பு நடத்தினார்கள் என்பதே இப்போதைய பரபரப்பான கேள்வியாக சமூக வலைதளங்களில் உள்ளது.
கீழே கொடுக்கப்பட்டுள்ள கருத்துக்கணிப்புகளின் கூட்டுத்தொகையை கூட்டி பாருங்கள் அதில் 234 தொகுதிகளுக்கும் சேர்த்து அவர்கள் கருத்துக்கணிப்பு வெளியிட்டுள்ளது புரியும்.
இந்தியா டுடே நடத்தியுள்ள கருத்துக் கணிப்பில்,
திமுக - 132
அதிமுக - 95
பாஜக - 1
மற்றவை - 6
நியூஸ் நேஷன் நடத்திய கருத்துக் கணிப்பின்படி,
திமுக - 116
அதிமுக - 97
பாஜக - 0
மற்றவை - 21
நியூஸ் எக்ஸ் நடத்திய கருத்துக் கணிப்பின்படி,
திமுக - 140
அதிமுக - 90
பாஜக - 0
மற்றவை - 4
ஏ.பி.பி நடத்திய கருத்துக் கணிப்பின்படி,
திமுக - 132
அதிமுக - 95
பாஜக - 1
மற்றவை -6
சி ஓட்டர் நடத்திய கருத்துக் கணிப்பின்படி,
அதிமுக - 139
திமுக - 78
பாஜக - 0
மற்றவை -17
தேர்தலுக்கு பின்னர் வெளியான கருத்துக்கணிப்பு பொய்யா?: தேர்தலே நடைபெறாத தொகுதிகளில் எப்படி கருத்துக்கணிப்பு நடத்தினார்கள்?
While, Vaiko, senior leader of Vijayakanth-PWF alliance stole a march on the others by taking his aged mother and forcibly closed down liquor shops in his native town few months ago, S Ramadoss’ PMK is the most aggressive in terms of demanding and proposing ideas on prohibition in the hope that it will help him win the election. PMK’s Anbumani said he would ban liquor with a single order and set up a toll free number for the public to alert the authorities about those who sell, carry and consume liquor in Tamil Nadu.
Nirmala Periasamy Speech - மதுவிலக்கை கொண்டு வந்தால் பாண்டிச்சேரிக்கு கிளம்பி விடுவார்கள்
SriLekha scores 1188 and secures First Rank in Chennai District
Makkal Yaar Pakkam - 17-05-2016
Ayutha Ezhuthu 17-05-2016 | Ayutha Ezhuthu : Who will Win..? Predictions and Scenario..
Speed News 17-05-2016 - Puthiya Thalaimurai
Puthiya Thalaimurai Nerpada Pesu 16-05-16
Indepth debate on social welfare and women's welfare schemes
Puthiya Thalaimurai Nerpada Pesu 17-05-16
சூப்பர்ஸ்டார் ரஜினிகாந்திற்கு தமிழ் சினிமாவை தாண்டி இந்தியா முழுவதும், ஏன் உலகின் பல்வேறு பகுதிகளிலும் ரசிகர்கள் இருக்கிறார்கள்.அவரை கடத்தி வைத்து மிரட்ட 'வீரப்பன்' திட்டம் தீட்டி அதற்காக ரகசியமாக வேலை செய்து வந்ததாக இயக்குனர் ராம் கோபால் வர்மா தற்போது தெரிவித்துள்ளார்.பிரபல கன்னட நடிகர் ராஜ்குமாரை வீரப்பன் கடத்தி பரபரப்பு ஏற்படுத்தியது குறிப்பிடத்தக்கது.வீரப்பனின் வாழ்க்கையை மையமாக வைத்து படமாக்கி வரும் ராம் கோபால், இது பற்றி ஒரு நேர்காணலில் கூறியுள்ளார். படத்திற்காக அவர் வீரப்பனுடன் நெருக்கமாக இருந்தவர்கள், மற்றும் அவர் கேங்கில் இருந்தவர்கள் பலருடன் பேசியபோது இந்த தகவல் கிடைத்ததாக தெரிவித்துள்ளார்.
ரஜினிகாந்தை கடத்த முயற்சி? பிரபல இயக்குனர் அதிர்ச்சி தகவல்
.jpg)
PLEASE CLICK THE ABOVE IMAGE TO WATCH THIS EPISODE HAPPY WATCHING
Indira 17-05-16 Raj Tv Serial Episode 62
PLEASE CLICK THE ABOVE IMAGE TO WATCH THIS EPISODE HAPPY WATCHING
EMI Thavanai Murai Vazhkai Sun Tv Serial 17-05-16 Episode 51
சென்னை: தமிழகத்தில் இன்று நடைபெற்ற சட்டமன்ற தேர்தலில், வாக்களித்துவிட்டு வந்தோர்களிடம் நடத்தப்பட்ட Exit poll எனப்படும் வாக்குப்பதிவுக்கு பிந்தைய கருத்துக் கணிப்புகள் வெளியாகி உள்ளன.
தமிழக சட்டமன்ற தேர்தலுக்கான வாக்குப்பதிவு, மொத்தமுள்ள 232 தொகுதிகளிலும் ( 2 தொகுதிகளில் வாக்குப்பதிவு தள்ளிவைக்கப்பட்டுள்ளது.) இன்று காலை 7 மணிக்கு தொடங்கி மாலை 6 மணி வரை விறுவிறுப்பாக நடைபெற்று முடிந்தது.
இந்நிலையில் வாக்களித்துவிட்டு வந்தோர்களிடம், வெவ்வேறு ஊடகங்கள் நடத்தியுள்ள Exit poll எனப்படும் வாக்குப்பதிவுக்கு பிந்தைய கருத்துக்கணிப்பு முடிவுகள் வெளியாகி உள்ளன.
NewsNationTV
அதிமுக 35 சதவீத வாக்குகளுடன் 95 முதல் 99 இடங்களை கைப்பற்றும் என்றும், திமுக 39 சதவீத வாக்குகளுடன் 114 முதல் 118 இடங்களை கைப்பற்றும் என்றும், மக்கள் நலக்கூட்டணி 14, பா.ஜனதா 4, இதர கட்சிகள் 9 இடங்களையும் கைப்பற்றும் என தெரிவிக்கப்பட்டுள்ளது.
India Today-Axis My India
அதிமுக 89 முதல் 101, திமுக 124 முதல் 140 இடங்கள் வரை கைப்பற்றும் என தெரிவிக்கப்பட்டுள்ளது. பா.ஜனதா 0-3, மற்ற கட்சிகள் 4 - 8 இடங்களை கைப்பற்றும் எனவும் தெரிவிக்கப்பட்டுள்ளது.
Times Now TV
அதிமுக 139, திமுக 78, மற்ற கட்சிகள் 17 இடங்களை கைப்பற்றும் என தெரிவிக்கப்பட்டுள்ளது.
தமிழகத்தில் ஆட்சியை பிடிப்பது யார்? 'திடுக்' Exit poll முடிவுகள்!
* நம் உடலில், 'ஃப்ரீ ராடிக்கல்ஸ்’ என்ற நச்சுப் பொருள் உருவாகிறது. இதுவே பல்வேறு நோய்களுக்குக் காரணம். கிவி பழத்தில் ஆன்டி ஆக்சிடன்ட் என்று அழைக்கப்படும் வைட்டமின்களான ஏ, சி, ஈ சத்துக்கள் உள்ளதால், ஃப்ரீ ராடிக்கல்ஸை அழித்து, நோய் எதிர்ப்பு சக்தியை அதிகரிக்க செய்கிறது.
* ஆரஞ்சுப் பழத்தைப் போன்றே இதிலும் வைட்டமின் சி அதிகம் இருப்பதால், முதுமைக் கால கண் நோய்கள், தோல் நோய்களைப் போக்கும்.
* தினமும் ஒரு கிவிப் பழத்தைச் சாப்பிட்டு வந்தாலே, அன்றைய தினத்துக்குத் தேவையான வைட்டமின் சி கிடைத்துவிடும். வைட்டமின் சி நம்முடைய நோய் எதிர்ப்பு மண்டலம் மேம்பட பெரிதும் அவசியம். ஆஸ்துமா போன்ற சுவாசக் கோளாறு நீங்கி, சுவாசம் சீரடையும்.
* இதில் உள்ள வைட்டமின் ஈ சத்து, சருமம் இளமைப் பொலிவுடன் இருக்கவும் கருவுறுதலுக்கான வாய்ப்பையும் அதிகரிக்கிறது.
* ஃபோலிக் மற்றும் ஒமேகா 3 கொழுப்பு அமிலம் இதில் நிறைவாக இருப்பதால், குழந்தைகளின் மூளை செல்களின் வளர்ச்சியைத் தூண்டும். ஞாபக சக்தி அதிகரிக்கும்.
* வாழைப் பழத்தில் உள்ளதைவிட, பொட்டாசியம் தாது உப்பு அதிக அளவில் உள்ளது. மேலும், இதில் உள்ள வைட்டமின் சி மற்றும் பாலிபீனால்கள் இதய தசை மற்றும் ரத்தக் குழாய்களைப் பாதுகாத்து, மாரடைப்பு வராமல் தடுக்க உதவும்.
* நார்ச் சத்துக்கள் நிறைந்திருப்பதால் மலச்சிக்கலைத் தீர்க்கும். ரத்தத்தில் உள்ள தேவையற்ற கொலஸ்ட்ராலை நீக்கும்.
* சர்க்கரைக் குறியீடு இதில் குறைவாக இருப்பதால், ரத்தத்தில் சர்க்கரை அளவை, கட்டுக்குள் வைத்திருக்க உதவுகிறது.
ரத்தத்தில் உள்ள தேவையற்ற கொலஸ்ட்ராலை நீக்கும் கிவிப் பழம்!
சென்னை: ஆழ்ந்த காற்றழுத்த தாழ்வு மண்டலம் சென்னை அருகே 125 கி.மீ. தொலைவில் மையம் கொண்டிருக்கிறது எனவும், பொதுமக்கள் பாதுகாப்பாக இருக்குமாறும் தமிழக அரசு அறிவுறுத்தியுள்ளது.
இதுகுறித்து விடுக்கப்பட்டுள்ள செய்திக்குறிப்பில், ''சென்னை மண்டல வானிலை ஆய்வு மையம் தனது 17.5.2016 அன்று மாலையில் வெளியிட்ட அறிக்கையில், சென்னைக்கு தென் கிழக்கே சுமார் 125 கிலோ மீட்டர் தொலைவில் வங்காள விரிகுடாவில் மையம் கொண்டுள்ள ஆழ்ந்த காற்றழுத்த தாழ்வு மண்டலம் நிலை கொண்டுள்ளதாகவும், இது நாளை (18.05.2016) காலை சுமார் 5.30 மணி அளவில் சென்னை கடற்கரையை ஒட்டி ஆந்திரக் கடற்கரையை நோக்கி செல்லும் என்றும் தெரிவித்துள்ளது.
இதன் காரணமாக சென்னை, திருவள்ளூர், காஞ்சிபுரம் மற்றும் திருவண்ணாமலை மாவட்டங்களில் மிக அதிகமான கனமழையும் (அதாவது 25 செ. மீட்டருக்கும் அதிகமான கனமழை), கடலூர், விழுப்புரம், தஞ்சாவூர், நாகப்பட்டினம் மற்றும் புதுக்கோட்டை மாவட்டங்களில் மிகுந்த கனமழையும் (அதாவது 12 செ. மீட்டருக்கும் அதிகமான கனமழை) பெய்ய வாய்ப்புள்ளதாகவும், மணிக்கு 50 முதல் 60 கிலோ மீட்டர் வேக காற்று வீச வாய்ப்புள்ளதாகவும் சென்னை வானிலை ஆய்வு மையம் தெரிவித்துள்ளது.
இதன் காரணமாக, பொதுமக்கள் பாதுகாப்பாக இருக்குமாறும், மீனவர்கள் கடலுக்குள் செல்ல வேண்டாம் என்றும் அறிவுறுத்தப்படுகிறார்கள். தேவையான பாதுகாப்பு முன்னெச்சரிக்கை நடவடிக்கைகள் எடுக்கும்படி மாவட்ட ஆட்சித் தலைவர்கள் அறிவுறுத்தப்பட்டுள்ளார்கள். மூத்த இந்திய ஆட்சிப் பணி அதிகாரிகள் மழை அதிகம் பெய்யக் கூடும் என எச்சரிக்கை விடப்பட்டுள்ள மாவட்டங்களுக்கு முன்னெச்சரிக்கை நடவடிக்கைகளை மேற்பார்வையிட அனுப்பப்பட்டுள்ளார்கள்'' எனக் கூறப்பட்டுள்ளது.
காற்றழுத்த தாழ்வு மண்டலம் சென்னை அருகே மையம்: பாதுகாப்பாக இருக்குமாறு மக்களுக்கு அறிவுறுத்தல்!
Subscribe to:
Posts
(
Atom
)