சிறுநீரகத் தொற்றைக் குணப்படுத்த உதவும் சில எளிய வழிகள்!

நம் உடலின் ஆரோக்கியத்திற்கு சத்தான மற்றும் சமச்சீரான உணவு மிகவும் அவசியம். அதை விட அந்த உணவு செரித்து அதன் மூலம் உருவாகும் கழிவுப் பொருட்கள் உடலை விட்டு வெளியேறுவது மிகவும் முக்கியம். ஒரு நாள் நமக்கு மலம், ஜலம் பிரியவில்லை எனில், நாம் படும் பாடு சொல்லி மாளாது. அத்தகைய மிக முக்கியம் வாய்ந்த உறுப்பான சிறுநீர் பாதையில் ஏற்படும் நோய் தொற்றானது நம்மை அதிக பாதிப்பிற்கு உள்ளாக்குகின்றது. சிறுநீர் பாதையில் ஏற்படும் நோய் தொற்றை குணப்படுத்த ஏராளமான மருந்துகள் இருந்த பொழுதிலும், அதை வீட்டில் உள்ள சில உணவுப் பொருட்களைக் கொண்டே சரி செய்து விடலாம். உணவுகள் மற்றும் பழச்சாறுகள் சிறுநீர் சம்பந்தப்பட்ட நோய்களை தீர்க்கும் இயற்கையான மருந்துகளாக உள்ளன. எனவே இவைகளைப் பயன்படுத்தி சிறுநீரக மற்றும் சிறுநீர்ப்பை தொற்றுகளைக் குணப்படுத்தலாம். க்ரான்பெர்ரி மற்றும் ப்ளூபெர்ரி ஜூஸ்கள் இந்த ஜூஸ்கள் சிறுநீரக மற்றும் சிறுநீர்ப்பை தொற்றுகளை குணப்படுத்தும் அருமருந்தாகப் பயன்படுகின்றது. இந்த ஜூஸ்களில் ப்ரொஅன்ந்தோச்யானிடீன்ஸ் அதிக அளவில் உள்ளன. அவை சிறுநீர்ப்பையின் புறத்தே ஒட்டிக் கொண்டிருக்கும் பாக்டீரியாக்களை தடுக்கின்றது. ராஸ்பெர்ரி, ஸ்ட்ராபெர்ரி மற்றும் கருந்திராட்சை ஜூஸ்கள் இந்த ஜூஸ்கள் சிறுநீர்ப்பை அழற்சிக்கான சிகிச்சைக்கு பயன்படுகின்றன. இதைத் தவிர சவலைக்கீரை மற்றும் வெள்ளரிச்சாறு போன்றவையும் இந்த நோயை குணப்படுத்த உதவுகின்றது. எலுமிச்சை ஜூஸ் ஒரு புதிய தினத்தை ஒரு டம்ளார் வெந்நீருடன் சிறிது அளவு எலுமிச்சை சாறு சேர்த்து பருகுவதுடன் தொடங்குங்கள். எலுமிச்சை சாற்றில், இரத்தம் மற்றும் சிறுநீர் பாதையின் கார அளவை மாற்றக்கூடிய தன்மை உள்ளது. அதன் காரணமாக பாக்டீரியா தொற்றானது மட்டுப்படுவதுடன், அதன் பரவலும் கட்டுப்படுகின்றது. கீரை சாறு + தேங்காய் நீர் கீரைகளை சாலட்களில் சேர்த்து அதை அப்படியே சாப்பிடலாம். அல்லது அதை ஜூஸாக பருகலாம். உங்களுக்கு விருப்பம் இல்லையெனில் கீரைகளை மருந்து வடிவிலும் உட்கொள்ளலாம். சம அளவுள்ள கீரைச் சாறு மற்றும் இளநீரை கலந்து ஒரு நாளைகு மூன்று வேளை பருகி வருவது சிறுநீர்த் தொற்று சம்பந்தமான நோய்களைக் குறைக்கும். வெள்ளரிக்காய் சாறு + எலுமிச்சை + தேன் வெள்ளரிகளை, முழுதாக காய்கறியாகவும் அல்லது சாறு எடுத்தும் அருந்தலாம். நீங்கள் எந்த வடிவில் வெள்ளரிக்காயை எடுத்துக் கொண்டாலும் அது உங்களுடைய சிறுநீர்த் தொற்றை குணப்படுத்தும். இதை விட ஒரு தேக்கரண்டி எலுமிச்சை சாறு, ஒரு கப் புதிய வெள்ளரிச்சாறு மற்றும் ஒரு தேக்கரண்டி தேன் போன்றவற்றை கலந்து ஒரு நாளைக்கு 3 முறை அருந்தி வருவது அதிக பலன்களைத் தரும்